Shpërthen bombola e gazit në Mirditë, humb jetën vëllai i ish-kreut të Gardës 

Shpërthimi i një bombole gazi i ka marrë jetën Nikoll Prendit 65-vjeç në Mirditë. Raportohet se rreth orës 13:40, në fshatin Reps, Mirditë, si pasojё e shpërthimit të një bombole gazi, ka rënë zjarr në banesën e 65-vjeçarit. Ai ka tentuar të shuaj flakët por është asfiksuar nga tymi e si pasojë ai është djegur brenda dhe ka ndërruar jetë.

Shërbimet e Policisë dhe të zjarrfikëses kanë shkuar në vendin e ngjarjes por e kanë gjetur të vdekur 65-vjeçarin.

Sipas burimeve, raportohet se Nikoll Prendi është vëllai i ish kreut të Gardës Ndrea Prendi.