Shërohen 40 të prekur me Covid 19, mes tyre dhe dy mjekët e spitalit të Sanatoriumit

Ministrja e Shëndetësisë Ogerta Manastirliu ka dhënë lajmin e mirë se mes 8 personave të shëruar në 24 orët e fundit janë dhe dy mjekë të spitalit “Shefqet Ndroqi” në Tiranë.

Sipas ministres numri i personelit mjekësor që është shëruar në Tiranë dhe në Durrës ka shkuar në 8 persona, ndërsa kanë rezultuar në total 40 pacientë të prekur negativ.

“Edhe 2 mjekë të spitalit “Shefqet Ndroqi” janë shëruar, pas testimit konfirmues të kryer në laboratorin e Institutit të Shëndetit Publik❗

Shkon në 8 numri i personelit mjekësor të shëruar në Tiranë dhe Durrës.

Deri tani janë 40 pacientë dhe staf mjekësor që e kanë fituar betejën me COVID-19″, shkruan Manastirliu.

Të shëruarit do të vijojnë të jetë të vetëkarantinuar edhe për një periudhë 14-ditore. Mbrojtja e personelit mjekësor është përparësi e Ministrisë së Shëndetësisë, të cilët testohen në çdo rast të dyshuar.

Deri dje në vendin tonë u konfirmuar 197 raste pozitive me Covid 19, nga të cilat 10 prej tyre kanë rezultuar fatale me humbje jete, ndërkohë që 40 të tjerë janë shëruar.