Parodia në TV/ Të gjitha ekranet bëjnë sikur ka zgjedhje

Këtë 30 qershor, që në ora 08 00 të mëngjesit, të gjitha ekranet e rëndësishme të vendit i kanë dhënë edhe njëherë mbështetje tezës se mediat kontrollohen totalisht nga regjimi i Edi Ramës. Nëse në vend ka pasur një debat: a është apo jo 30 qershori dita e voimeve lokale, kur presidenti ka shpallur 13 tetorin, ndërsa kryeministri i qëndron 30 qershorit, të gjitha televizionet kanë zhvilluar rutinën e tyre ashtu sikurse kanë bërë për të gjitha zgjedhjet normale që janë zhvilluar në dhjetëvjeçarin e fundit.
Por, edhe në këtë dallëdi të madhe servilizmi mediatik nuk mund të mos dallohen diferencat ndërmes kraneve të ndryshme.
Natyrisht kampion qëndron ndërmjet gjeneralistëve, televizioni publik TVSH. Ndonëse në asnjë vend normal demokratik, TV-të jo informative nuk bëjnë emisione speciale për zgjedhjet “publikun” nuk e ka zënë gjumi për këto votime. Madje, qershia mbi tortë, ai e ka titulluar maratonën e ditës “Zgjedhjet vendore 2019” sikur këto të mos ishin votime, por zgjedhje.
Nga televizionet gjeneralistë mes privatëve vendin e parë e ka zënë “Vizion Plus”. Ai jo vetëm njësoj si TVSH siglen e emëron “zgjedhje 2019”, jo vetëm ia ka lënë drejtimin prezantuesit të tij star, Sokol Balla, por është sjellë sikur gjithçka zhvillohet në kuadrin e një gare normale.
Pak më të zellshëm janë treguar drejtuesit e “Top Channel”. Ata jo vetëm kanë prishur programacionin e kanalit kombëtar, por specialen e tyre e kanë transmetuar njëkohesisht në Top Nevs. Ylli i “prime time” politik, Eni Vasili, shfaqet njëkohësisht edhe në kanalin informativ për ta drejtuar vetë specialen, natyrisht me siglën “zgjedhjet 2019”.
Në grupin Klan, ekrani kombëtar nuk ka organizuar gjë të veçantë, por këtë detyrë ia ka lënë ABC Nevs e cila çuditërisht ritransmetohet edhe nga Klan Maqedonia. Sigla e transmetimit është pak më diskrete: “Lokale 2019”. Blendi Fevziu ndryshe nga rivalët e tij të mbrëmjes nuk ka denjuar të shfaqet në ekran.
Të gjitha ekranet e tjera informative kanë organizuar emisione speciale ku të vetmen nuancë e ka treguar Nevs 24 e cila nuk ka përdorur në siglën e saj as zgjedhje as votime, por vetëm “30 qershor”.
Pra kuptohet se të tëra TV e vendit as nuk e ka vënë në diskutim debatin: ka apo jo votime këtë të dielë. Ato e kanë marë të mirqenë urdhërin e kryeministrit.
Marre nga lapsi.al