Numri i të infektuarve me Covid-19 në botë i kalon 1 milion

Numri i të infektuarve me Covid-19 në botë i kalon 1 milion
Numri i përgjithshëm i rasteve të konfirmuara nga koronavirusi i ri sot ka tejkaluar 1 milion, sipas shifrave të përpiluara nga universiteti amerikan “Johns Hopkins”.

Virusi COVID-19, i cili u shfaq dhjetorin e kaluar në Wuhan të Kinës, është përhapur në mbarë globin, ka shkaktuar vdekjen e gjithsej 51.485 njerëzve, ndërkohë që 3 miliardë njerëz i ka detyruar të vazhdojnë jetën të izoluar në karantinë.

Italia, Spanja, Kina dhe Irani vazhdojnë të jenë vendet më të prekura, ndërsa numri më i madh i rasteve me koronavirus është shënuar në ShBA, më shumë se 234.460 raste. ShBA ka konfirmuar 5.607 vdekje për shkak të virusit.

Italia ka regjistruar numrin më të madh të viktimave me 13.915 dhe 115.242 raste pozitive, ndërsa Spanja ka raportuar 10.096 vdekje midis rasteve të konfirmuara që janë rreth 110.238. Kina, vendi i pacientit zero ndjek Spanjën me 3.322 vdekje, ndërsa rastet e konfirmuara nga ky vend janë 82.432.

Ndërkohë, numri i të vdekurve në Iran është 3.160, dhe numri i rasteve të konfirmuara është 50.468.

Shumë vende kanë kufizuar udhëtimet nga zonat më të prekura dhe kanë zbatuar izolime pasi Organizata Botërore e Shëndetësisë (OBSH) e shpalli sëmundjen një pandemi globale dhe Evropën epiqendrën e re të sëmundjes.

Ministria e Shëndetësisë së Turqisë njoftoi se në 24 orët e fundit janë kryer 18 mijë e 757 teste dhe janë zbuluar 2 mijë e 456 raste të reja të infektimit me këtë virus. Me rikuperimin e 82 pacientëve të tjerë sot, numri i përgjithshëm i personave të shëruar që kanë dalë nga spitali pas përfundimit të trajtimit për Covid-19 është rritur në 415.

Më poshtë do të gjeni të rejat më të fundit për bilancin e pandemisë së koronavirusit sipas shteteve dhe masat shtrënguese që janë marrë në vende të ndryshme:

SHTETI

VIKTIMA

RASTE

MASA PARANDALUESE

ShBA

5.607

234.462

Paralajmërohet se vatra e radhës e epidemisë do të jetë kryeqyteti Uashington DC dhe rrethinat.

Në ShBA numri i vdekjeve është më shumë se 5.000 dhe numri i përgjithshëm i rasteve pozitive të regjistruara i ka tejkaluar 216.000. Ndërsa gjysma e vdekjeve janë regjistruar në Nju-Jork, numri i rasteve këtu i kapërcen 12.000. Shtetet si Nju-Jork dhe Nju-Xhersi mbeten epiqendra e koronavirusit. Një foshnje gjashtëmuajshe ishte midis viktimave në shtetin e Konektikat. Presidenti Donald Trump deklaroi se ata po vlerësojnë ndërprerjen e fluturimeve të brendshme në rajonet, ku pandemia është përqendruar më së shumti. Pasi tha se numri i rasteve në Amerikë ka thyer një rekord në 24 orët e fundit, Trump shtoi: “Ju mund të kuptoni se sa serioz është ky virus duke shikuar shifrat e ditës së fundit”.

Ndihmëspresidenti Mike Pence tha se deri në qershor vendi mund të dilte nga situata e epidemisë së koronavirusit (Covid-19) nëse masat e marra do të respektohen dhe zbatohen si duhet. Agjencia Federale e Emergjencave (FEMA) i ka kërkuar Departamentit të Mbrojtjes (Pentagonit) “sa më shpejt të jetë e mundur” 100.000 thasë për kufoma. Komanda e Rojës Bregdetare ka urdhëruar të gjitha anijet turistike që ndodhen në ujërat territoriale amerikane që të bëjnë përgatitjet për të trajtuar pasagjerë të sëmurë dhe ekuipazhin e infektuar me Covid-19 në bord.

Itali

13.915

115.242

Gjatë 24 orëve të fundit kanë vdekur 727 të sëmurë të tjerë me Covid-19. Masat shtrënguese janë shtyrë deri në 13 prill.

Vatikan

0

10

Raportohet se Kardinali Angelo De Donatis, Famullitari i Përgjithshëm i Romës, ka rezultuar pozitiv në testin për koronavirusin e ri (Covid-19) dhe është duke u trajtuar në spitalin Gemelli në Romë dhe është në gjendje të qëndrueshme.

Kardinali 66-vjeçar u testua pas shfaqjes së simptomave të virusit.

Spanjë

10.096

110.238

Gjatë 24 orëve të fundit kanë vdekur 950 njerëz. Ministria e Shëndetësisë e ka cilësuar këtë si rritjen drastike që është regjistruar që nga shfaqja e epidemisë në vend.

Kinë

3.322

82.432

76.571 janë shëruar

Francë

4.514

59.926

Në 24 orët e fundit kanë vdekur 509 të sëmurë të tjerë me Covid-19 duke lënë kështu prapa edhe Kinën. Raportohet se 3,6 milionë njerëz kanë mbetur të papunë për shkak të epidemisë që ka pllakosur vendin. Ministri i Punës, Muriel Penicaud tha se 337.000 biznese të prekura ekonomikisht nga koronavirusi kanë nxjerrë nga puna 3,6 milionë punëtorë dhe kjo i ka sjellë buxhetit të shtetit një kosto prej 11 miliardë euro. Ata që kanë humbur vendin e punës do të marrin nga shteti 70% të pagës si pagesë papunësie. Nga ana tjetër një depo në tregun ndërkombëtar “Rungis” në Paris do të shndërrohet në morg për ata që kanë humbur jetën nga Covid-19.

Është anuluar Panairi i Automjeteve në Paris, i planifikuar për t’u mbajtur në tetor 2020.

Gjermani

1.074

84.264

Masat e marra në 22 mars në kuadër të luftës kundër koronavirusit janë shtyrë deri më 19 prill. Duke iu referuar festës së Pashkëve që do të kremtohen javën e ardhshme kancelarja Angela Merkel i paralajmëroi qytetarët që të mos udhëtojnë në Pashkë duke thënë se “Pandemia nuk i njeh festat”. Numri i shtretërve në njësitë e kujdesit intensiv nga 28.000 që ka qenë është rritur në 40.000.

Mbretëria e Bashkuar

2.926

34.165

Numri i të vdekurve nga Covid-19 është rritur me 569 vetëm gjatë 24 orëve të fundit.

Iran

3.160

50.468

124 kanë vdekur vetëm në 24 orët e fundit. Presidenti Hasan Ruhani tha se epidemia mund të zgjasë deri në fund të vitit, kështu që mund të vazhdojnë edhe masat kufizuese që janë marrë në shkallë vendi.

Zvicër

536

18.827

4.013 të shëruar

Belgjikë

1.011

15.348

2.495 të shëruar

Holandë

1.341

14.784

260 të shëruar

Austri

158

11.076

1.749 të shëruar

Koreja e Jugut

169

9.976

5.828 të shëruar

Kanada

128

10.132

1.668 të shëruar

Portugali

209

9.034

68 të shëruar

Turqi

356

10.827

Ministria e Shëndetësisë njoftoi se në 24 orët e fundit janë kryer 18 mijë e 757 teste dhe janë zbuluar 2 mijë e 456 raste të reja të infektimit me këtë virus.

Me rikuperimin e 82 pacientëve të tjerë sot, numri i përgjithshëm i personave të shëruar që kanë dalë nga spitali pas përfundimit të trajtimit për Covid-19 është rritur në 415.

Republika Çeke

44

3.805

67 të shëruar

Qipro e Veriut

(RTQV)

0

42

Në Republikën Turke të Qipros së Veriut (RTQV) është marrë vendim për të ndaluar daljen në rrugë në orarin 21.00-06.00. Viktimat ishin turistë gjerman.

Qiproja e Jugut

10

356

28 të shëruar

Vietnam

0

227

75 të shëruar

Azerbajxhan

5

400

26 të shëruar

Territoret Palestineze

1

160

Në 24 orët e fundit janë konfirmuar 155 raste të reja.

Një palestinez i liruar pas vuajtjes së dënimit për 1 vit në burgjet e Izraelit ka rezultuar pozitiv me Covid-19. Sipas një komunikate të shkruar të Organizatës për Çlirimin e Palestinës (OÇP) po punohet për të identifikuar të dënuarit e tjerë që kanë pasur kontakt me palestinezin e infektuar gjatë kohës që ka qenë në burg. OÇP për këtë “krim” akuzon Izraelin

Irak

54

772

202 të shëruar

Izrael

34

6.808

Kanë rezultuar pozitiv me Covid-19 testet e ministrit të Shëndetësisë, Yaakov Litzman dhe bashkëshortes. Ministri Litzman do të vazhdojë të punojë nga shtëpia. Ndërkaq kryeministri Beniamin Netanjahu do të hyjë sërish në karantinë për shkak të daljes pozitiv të testit të ministrit të Shëndetësisë.

Brazil

165

4.661

127 të shëruar

Australi

24

5.116

520 të shëruar

Zelanda e Re

1

797

92 të shëruar

Norvegji

50

5.131

32 të shëruar

Suedi

282

5.466

103 të shëruar

Finlandë

19

1.518

300 të shëruar

Danimarkë

123

3.573

1.172 të shëruar

Irlandë

98

3.849

5 të shëruar

Malajzi

50

3.116

Mbreti i Malajzisë Sulltan Abdullah Shah dhe bashkëshortja e tij kanë dhuruar pagën 6-mujore për të mbështetur procesin e luftës kundër epidemisë.

Kili

18

3.404

335 të shëruar

Rusi

30

3.548

121 të shëruar. Sipas një ligji të ri që është përgatitur në kuadër të masave pas rritjes së shpejtë të numrit të rasteve shkelja e masave kundër Covid-19 do të konsiderohet si “akt terrorist”. Ligji parashikon 12.300 dollarë (1 milionë rubla) gjobë ose dënim me burg deri në 3 vite për shkaktarët e infeksionit të virusit; dhe 24.600 dollarë (2 milionë rubla ruse) gjobë ose dënim me burgim deri në 5 vjet për personin që shkakton vdekjen e dikujt nga virusi. Ndërsa ata që shkaktojnë vdekjen e 2 ose më shumë njerëzve mund të dënohen me burg deri në 7 vjet.

Ukrainë

20

804

Në ushtri është regjistruar rasti i parë me Covid-19, një doktoreshë me detyrë në spitalin ushtarak.

Japoni

66

2.384

Në kryeqytetin e vendit Tokio brenda një dite janë zbuluar 97 raste të reja, një shifër e re rekord që nga shfaqja e epidemisë në vend.

Pakistan

33

2.386

107 të shëruar

Indi

68

2.341

177 të shëruar

Tajlandë

15

1.875

Duke filluar nga nesër [e premte] do të zbatohet në të gjithë vendin ndalimqarkullimi në orarin 22.00-04.00. Kompania ajrore kombëtare “Thai Airways International” njoftoi se ka pezulluar të gjitha fluturimet nga jashtë shtetit deri më 31 maj.

Filipine

107

2.633

Presidenti Rodrigo Duterte ka thënë se do t’u japë forcave të rendit urdhrin për të qëlluar mbi personat që nxjerrin probleme dhe të ndërpresë ndihmat ushqimore dhe në para ndaj tyre në rast se kundërshtojnë kufizimet që ka vendosur Qeveria në kuadër të luftës me epideminë Covid-19.

Indonezi

170

1.790

112 të shëruar

Arabia Saudite

21

1.885

Në Mekë dhe Medinë është shpallur ndalimqarkullim i plotë. Agjencia zyrtare saudite e lajmeve “SPA”, duke cituar burime nga Ministria e Brendshme, tha se masa e ndalimit të daljes jashtë gjatë 24 orëve do të vlejë deri në një njoftim të dytë.

“SPA” raportoi se nga masa përjashtohen punonjësit e institucioneve kyçe të sektorit publik dhe atij privat, ndërsa banorët e këtyre dy qyteteve do të lejohen të dalin nga ora 06:00 deri në ora 15:00 vetëm brenda lagjeve ku banojnë vetëm për plotësimin e nevojave themelore, siç janë ato shëndetësore dhe ushqimore.

Në Mekë dhe Medinë janë ndaluar të gjitha aktivitetet tregtare, me përjashtim të vendeve që bëjnë shitjen e produkteve elementare, siç janë farmacitë, stacionet e benzinës dhe bankat.

Ndërkaq, autoritetet e kanë vazhduar ndalesën për hyrje dhe dalje në këto dy qytete.

Më 23 Arabia Saudite mars kishte vendosur orë policore në periudhën kohore 19:00-06:00 me kohëzgjatje prej 21 ditësh.

Afrika e Jugut

5

1.462

Në mesin e viktimave të koronavirusit gjendet edhe shkencëtarja afrikanojugore me famë botërore Prof. Dr. Gita Ramjee, e njohur për punimet që ka bërë për të luftuar virusin HIV.

Meksikë

37

1.387

35 të shëruar

Greqi

53

1.544

Një grup doktorësh evropianë kanë bërë apel për boshatisjen e kampeve të azilkërkuesve që janë ngritur në ishuj për të parandaluar një katastrofë humanitare për shkak të kushteve të këqija të jetesës. Në një kamp afër Athinës është vendosur karantina pas konstatimit të koronavirusit në 21 refugjatë, ka njoftuar Ministria e Migracionit. Është karantinuar edhe kroçera “El. Venizelos” e ankoruar në portin e Piresë për shkak se testet e bëra tek pasagjerët dhe ekuipazhi i anijes kanë rezultuar pozitivë me Covid-19.

Slloveni

17

897

70 të shëruar

Kroaci

7

1.011

88 të shëruar

Serbi

31

1.171

0 të shëruar

Bullgari

10

457

25 të shëruar

Estoni

11

858

45 të shëruar

Letoni

0

458

1 të shëruar

Lituani

9

649

7 të shëruar

Armeni

5

663

33 të shëruar

Gjeorgji

0

134

26 të shëruar

Hungari

21

585

42 të shëruar

Sllovaki

1

426

7 të shëruar

Bosnjë-Hercegovinë

16

532

Kanë rezultuar pozitivë me Covid-19 edhe 3 doktorë që punojnë në Qendrën Klinike të Universitetit të Sarajevës (KCUS).

Bulgari

8

379

17 të shëruar

Rumani

114

2.738

267 të shëruar

Moldavi

6

505

23 të shëruar

Poloni

51

2.692

56 të shëruar

Maqedonia e Veriut

11

384

17 të shëruar

Shqipëri

16

277

67 të shëruar

Kosovë

1

126

10 të shëruar

Mali i Zi

2

144

0 të shëruar

Liban

16

494

46 të shëruar

Në kontinentin e Afrikës deri tani virusi është shfaqur në 49 shtete dhe numri i rasteve brenda një dite është rritur nga 5.786 në 6.213. vendet ku virusi është përhapur më së shumti janë: Afrika e Jugut, Egjipti, Algjeria, Maroku, Tunizia Burkina-Faso dhe Kameruni. Në Ruandë ndalimqarkullimi është zgjatur edhe me dy javë të tjera.

Egjipt

52

850

179 të shëruar

Algjeri

86

986

61 të shëruar

Marok

44

772

30 të shëruar

Tunizi

14

455

5 të shëruar

Jordani

5

299

45 të shëruar

Katar

2

835

71 të shëruar

Emiratet e Bashkuara Arabe

8

814

61 të shëruar

Kuvajt

0

342

81 të shëruar

Burkina-Faso

16

288

50 të shëruar

Afganistan

4

258

10 të shëruar