Ndalime të reja protestuesish pranë Teatrit Kombëtar

 

Në Tiranë, pas 37 ndalimeve të mëngjesit, policia vazhdon me ndalime të tjera të të rinjve që po protestojnë në afërsi të Teatrit Kombëtar.

Ata u ulën për disa minuta në rrugë, në shenjë proteste ndaj shembjes së Teatrit Kombëtar dhe veprimeve të policisë.

Por forcat e rendit ndërhynë dhe i morën me shpejtësi në automjetet e tyre.

Në rrugët pranë Teatrit Kombëtar po vazhdojnë protesta spontane nga grupime të ndryshme banorësh, kryesisht të rinj në moshë.

Policia ka nisur në orët e para të mëngjesit një operacion të gjerë në qendër të Tiranës për të zbrazur zonën rreth Teatrit Kombëtar dhe për të mundësuar shkatërrimin e tij.