Mazhoranca absolute “Rama Ik”/ Premtimi, Basha: Mazhorancë kombëtare e ndryshimit të madh!

Kryetari i Partisë Demokratike, Lulzim Basha, ka garantuar shumicën absolute të shqiptarëve të vendosur në betejën për largimin e Edi Ramës dhe regjimit të tij, se PD dhe opozita e bashkuar do ti prijë aspiratës së tyre për ndryshim
“Së bashku ne do ta kthejmë këtë mazhorancë absolute të refuzimit të regjimit, mazhorancën absolute “Rama ik”, në mazhorancën kombëtare të ndryshimit të madh për çdo shqiptar,” tha Lulzim Basha dhe vetëm zgjedhjet e lira e të ndershme do t’i hapin rrugën transformimit politik dhe ekonomik që ka nevojë Shqipëria, ndryshimit që kërkojnë shqiptarët.
“Qeveria që do të dalë nga zgjedhjet e lira, do të hapë menjëherë negociatat me Bashkimin Europian, do ta fusë vendin në rrugën e përparimit dhe zhvillimit. Rruga e përparimit, kërkon një ekonomi të lirë dhe konkurencë të ndershme,” tha lideri i opozitës përmes një reagimi në rrjetin social Facebook, duke e pranuar se sfida më e vështirë do të jetë lufta kundër monopolove, lufta kundër klientelizmit, lufta kundër kapjes së ekonomisë dhe lufta kundër varfërisë.
Shqipëria ka aq shumë pasuri dhe mundësi natyrore, sa shqiptarët mund të jetojnë të gjithë në kamje, tha Kryetari i Partisë Demokratike, dhe shqiptarët duan vetëm lirinë, vetëm konkurencën e ndershme, që të prodhojnë dhe krijojnë me mundin dhe aftësinë e tyre.
Duke garantuar hapjen e tregjeve dhe konkurencën e lirë, Kryetari i Partisë Demokratike, Lulzim Basha, tha se do të krijohet një mjedis, ku të lulëzojë sipërmarrja private ndërsa përfundoi:
“Liria ekonomike do të sjellë punë. Liria ekonomike do të sjellë mirëqenie. Ne do ta bëjmë Shqipërinë si gjithë Europa!”
Ja statusi i plotë:
Shumica absolute e shqiptarëve të vendosur dhe mendjendarë në betejën për largimin e Edi Ramës dhe regjimit të tij, duhet ta dijë se Partia Demokratike, opozita e bashkuar e ka dëgjuar dhe do ti prijë aspiratës tuaj për ndryshim. Ky ndryshim nuk mund të jetë dhe nuk do të jetë çështje fjalësh, por veprash dhe garancish.
Së bashku ne do ta kthejmë këtë mazhorancë absolute të refuzimit të regjimit, mazhorancën absolute “Rama ik”, në mazhorancën kombëtare të ndryshimit të madh për çdo shqiptar.
Zgjedhjet e lira e të ndershme do t’i hapin rrugën transformimit politik dhe ekonomik që ka nevojë Shqipëria, ndryshimit që kërkojnë shqiptarët.
Qeveria që do të dalë nga zgjedhjet e lira, do të hapë menjëherë negociatat me Bashkimin Europian, do ta fusë vendin në rrugën e përparimit dhe zhvillimit.
Rruga e përparimit, kërkon një ekonomi të lirë dhe konkurencë të ndershme. Lufta kundër monopolove, lufta kundër klientelizmit, lufta kundër kapjes së ekonomisë, lufta kundër varfërisë do të jetë sfida jonë më e vështirë.
Shqipëria ka aq shumë pasuri dhe mundësi natyrore, sa shqiptarët mund të jetojnë të gjithë në kamje. Ata duan vetëm lirinë, vetëm konkurencën e ndershme, që të prodhojnë dhe krijojnë me mundin dhe aftësinë e tyre.
Ne do t’i hapim tregjet. Do të garantojmë konkurencën e lirë. Do të krijojmë një mjedis, ku të lulëzojë sipërmarrja private. Liria ekonomike do të sjellë punë. Liria ekonomike do të sjellë mirëqenie.
Ne do ta bëjmë Shqipërinë si gjithë Europa!pafrike .al