Komunikata e agjipropit të “Faltores”dhe një “autokritikë” e ndjerë nga ana ime.

 

Nga Roland Bejko
1.
“Armiqtë e brendshëm, në bashkëpunim me ata të jashtëm, spiunë të agjenturave të huaja, veçanërisht atyre amerikane, (Soros), kanë dashur të eleminonin fizikisht jo vetëm Partinë tonë heroike, por edhe vetë Liderin Suprem- historik të saj.
Por, më në fund ne i zbuluam ata, dhe më datë 11 dhjetor, gjyqi i popudhit, do t’u japë dënimin e merrituar.
Ndaj urdhërohen të gjithë deputetët e grupit parlamentar që nuk janë të bindur ende se peng- Krietari i ka tradhëtuar, t’i bashkohen sa më parë frontit demokratik të ” Faltoreve” rreth Liderit Suprem☝️SOT, se përndryshe, NESËR do të jetë vonë.
Ndaj, nëse nuk bëhen pjesë e “KRYE-FALTORES” më 11 dhjetor, ata do të konsiderohen puçistë, agjentë të Sorosit, dhe gjyqi i popudhit, dhe jo Lideri Siprem☝️,do t’u japë dënimin e merituar duke mos i zgjedhur më deputetë”
Kjo komunikatë është shpërndarë dje nga Syri-Veshi-Hunda-Goja-Zëri i Partisë dhe i Liderit Suprem☝️.
2.
Shënim në formë autokritike.
Të dashur miq, edhe pse përgjatë 31 viteve u maskova më së miri në rradhët e PD-së, madie duke qenë për shumë vite edhe drejtues në nivele të larta i saj duke bërë sikur punoja me mish e me shpirt për të, duke u hequr sikur kisha vënë pa kushte në dispozicion të partisë dhe Liderit Suprem☝️gjithë rininë time që nga dhjetori i 1990-ës kur u çuam kundër Diktaturës Komuniste të pa veshur me PARDESYTË E BARDHA, në 1997, e me rradhë deri më sot, këto të gjitha nuk kanë qenë të vërteta, por me gjasme, ndaj dhe më në fund, ata më zbuluan.
Më zbuluan rakitikët symprehtë të Partisë, të cilët, pas hulumtimeve “serioze”, bënë të mundur zbulimin e gjithë veprimtarisë time armiqësore si AGJENT i fshehur i SOROS-it, në rradhët e PD-së.
Shkak për këtë zbulim të bujshëm, janë bërë qëndrimet e mia publike kundër rikthimit de jure, në krye të PD-së të Liderit Suprem☝️.
U kërkoj ndjesë gjithë demokratëve të vërtetë, punistëve të Ramiz Alisë në PD që kanë shembur kisha e xhamija, por dhe hajdutëve të PD-së që mezi presin të rikthehen edhe njëherë në pushtet grusht bashkuar rreth Liderit Suprem☝️, se i kam mashtruar. 😞😞
Pas kësaj, ç’do lloj dënimi dhe linçimi publik që të më japin “Kmerët blu-kuq”, si në rrjetet sociale sot, ashtu edhe në forume nesër, është i drejtë, dhe i merituar.
Tek e fundit, Partia ime më dënon, se kam bërë faj dhe e meritoj.😞👉
Ju lutem, mos i paragjykoni, por u ftoj të lutemi🙏🙏 të gjithë që zoti tu japë ymër e ti bekojë në misionin e tyre “fisnik” të uzurpimit me puç të pushtetit në formën e revolucionit “paqësor” leninist-sovranist si konservatoro-komunistë që janë, sot partinë, dhe nesër qeverinë.
(Si thot Lideri Suprem☝️, që marrtë nga ditët e tyre? Kongresin e kërkoi popudhi, jo Ai.)
Mos u frigoni!
Unë jam i bindur që BOLSHEVIKËT* e Liderit Suprem, shumica, me që u pëlqen të vetquhen të tillë, ashtu si Lenini para 104 viteve, do t’u krijojnë kushte MENSHEVIKËVE*,pakicës, që nëpërmjet të drejtës për të pasur fraksione ta ushtrojnë veprimtarinë e tyre politike sipas rregullave të reja që do të bëjë vet populli i revoltuar demokrat më 11 janar nën survejimin e Syrit vigjëlent të Udhëheqësit Suprem.
Natyrisht, kush nuk do t’i respektojë këto rregulla demokratike që do jenë të hartuara nën frymën e parullës” ç’do populli, bën Partia”, do ta gjejë veten në Siberinë e vetmisë….
Ndaj kujdes, “kur flet masa nën udhëheqjen e Liderit Suprem, elita duhet të heshtë, të vuvoset.”
Kush flet, i pitet gjuha, me motivacionin, “agjent i infiltruar i Sorosit dhe peng i Ramës, në rradhët tona”!
Ndaj me thirrjen, “Lart frymën revulucionare (paqësore)”, po e mbyll këtu këtë shënim, i penduar për dëmin që i kam sjellë partisë, juve shokë demokrato-punistë, i penduar pa fund për dëmet që u kam shkaktuar si agjent i infiltruar i “imperialuzmit amerikan” dhe i kuçedrës së lirive dhe demokracive, George Soros.
Zoti u ndihtë në marrëzinë tuaj!