Gjendet një tjetër varr masiv në Mariupol, autoritetet: Rusët po fshehin gjurmët e krimeve të luftës

Një varr i ri masiv është raportuar pranë Mariupolit, tha këshilltari i kryebashkiakut të qytetit, Petro Andryushchenko sipas BBC.

Duke shkruar në Telegram, Andryushchenko tha se zyrtarët kishin marrë informacion në lidhje me një “vend varrimi masiv të banorëve të vrarë të Mariupolit në një përpjekje për të fshehur gjurmët e krimeve të luftës”.

Andryushchenko u kërkoi gazetarëve të gjenin foto të varrit në imazhet satelitore, duke thënë se ai ndodhej në rrethin Livoberezhnyy pranë varrezave të fshatit Vynohradne.

Ai shtoi: “Kjo dëshmon edhe një herë se pushtuesit po mbledhin dhe varrosin, ose djegin banorët e vdekur të Mariupolit në çdo lagje të qytetit”.