Fenomeni” Çupi” dhe një këshillë për miqtë e mi në PD

Nga Nebil Çika

Frok Çupat kane qene dhe janë problemi i madh i PD nga themelimi deri sot . Spiuni i Sigurimit te Shtetit një prej antishqiptarëve më të deklaruar është sulmuar e rehabilituar disa here nga PD . Nga 1992 deri ne 2005 ai ishte për PD armiku nr.1 në media e më tej .
Mjafton vete fakti që atentatori në Kuvend i Azem Hajdarit në 1998 , Gafurr Mazreku ,u fsheh pas atentatit ne zyrën e Frrok Cupit ,atëherë drejtori i ATSH , qe e implikon atë ne krim si “përkrahës mbas kryerjes së tij”, për ta kuptuar sa kundër PD ishte ai.

Ne vitin 1997 u bashkua me bandat e u bënte thirrje turmave të merrnin armët kundër njerëzve të PD.

Ka me qindra shkrime te tij kundër pavarësisë se Kosovës , u rreshtua ne krah te serbeve gjate gjenocidit te Millosheviçit dhe ishte kundërshtari mediatik me i madh i bombardimeve te NATO ne Serbi .

Me pak fjale njeri me te zi kundër interesave kombëtare dhe vet PD se Frok çupi nuk mund te gjendet .

Por për çudi pas ardhjes ne pushtet te PD ,Çupi ,dhe jo vetëm ai, u be njeri prej me të privilegjuarit qeverisë së saje .
Ai u caktua te menaxhonte te gjitha fondet e kulturës shqiptare , ne një departament te veçantë ,te krijuar enkas për te . De facto, njeriu me i rëndësishëm ne këtë ministri . Shume mbështetës te PD reaguan me indinjate për këtë fakt por nderimi i tij nga PD vazhdoi ne përvjetor te PD e RD duke e bërë spiunin e Sigurimit ,Çupi një “hero ” te lirisë e demokracisë ndërkohë qe realiteti është krejt i kundërt .

Por sigurisht qe ky nuk është i vetmi por është simbol katapultimi ne politike e pushtet nga PD te plehrave te komunizmit etje , ndërkohë qe manifeston në mënyre permanente mosmirënjohje ndaj mbështetëseve besnike te saje. Me pak fjalë fenomeni “Çupi “është një pisllëk me shume se politik , i krijuar nga vet PD , fenomen që ende vazhdon .

Pikërisht ketë fenomen kemi parasysh ne antikomunistet kur i kërkojmë Bashës spastrimin e PD nga plehrat e Sigurimit dhe komunizmit .

Nisur nga kjo përvojë ,kam një këshille për miqtë e mi demokrate , qe kane marre inat me Çupin dhe nuk po i lenë kusur ne media e rrjete sociale : Kini kujdes se mund të ndodhe të zhgënjeheni serish , pasi ka gjasa që kur PD te vije prapë ne pushtet dhe Çupin e të ngjashmit e tij mund ti keni politikanë e zyrtare te rëndësishëm te saje .