Berisha presion SHBA : Arrogantë,më hiqni “Non grata-n” ose vazhdoj luftën për t’u rikthyer në pushtet

 

Nga tubimi ne “Air Albania”  Berisha ka ngritur tonin duke iu drejtuar drejpërdrejtë administratës amerikane duke e quajtur qëndrimin e sajë arrogancë dhe gabim dhe i ka kërkuar atyre ti heqin atij shpalljen persona non grata se për ndryshe do të vazhdonte luften ;

“Në vitin 2013 shumë nga jush kërkuan që mos jepja dorëheqjen, por keni marrë një përgjigje, dinjiteti im e kërkon të jap dorëheqjen, dhe u kam thënë të vërtetën. 32 vjet të shkuara në një natë të zezë dimri unë kisha marrë një vendim të dilja të përballesha me diktaturën, jo për t’u bërë politikan apo president, por njeri me dinjitet, ai është vendimi më i rëndësishëm i jetës sime. Prandaj nisa betejën po aq i vendosur si 30 vjet më parë të bëj gjithçka për dinjitetin tim.

Kam muaj që pres! Asnjë fakt, dokument, provë, për faktin e vetëm se nuk ekzistojnë. Edhe një herë nga kjo sallë u bëj thirrje zyrtarëve të DASH të çojnë në Paris çdo provë që kanë, t’i bëjnë publike, dhe unë marr çdo vendim ndaj vetes sime. Ftoj cilindo mbi Tokë që ka një provë të vetme ta paraqes publikisht. Sali Berisha merr vendimin e duhur. Duke qenë i përulur para të vërtetës do vazhdoj pakthyeshëm misionin tim.

Si besimtar i Zotit dhe dinjitetit të njeriut, beteja ime nuk do ndalet kurrë. Ftoj zyrtarët e DASH të rishqyrtojnë vendimet e tyre, sepse arroganca dhe gabimi nuk janë virtyte të njerëzve të lirë. Ju garantoj se do vazhdoj i palëkundur misionin tim së bashku me ju për të përmbysur narko-shtetin në Shqipëri, për të rikthyer në pushtet PD-në, si parti e vlerave të lirisë”, tha Berisha.