Basha – Ramës : Merr dhe Metën e Berishën, bëni Trekëndëshin e Bermudës.

Kryedemokrati, Lulzim Basha ka sulmuar haptazi edhe ish kryeministrin Berisha dhe preisdentin Ilir Meta të cilët i konsideroi si pjesë e “Trekëndëshit të Bermudës” ku ishte edhe kryeminsitri Edi Rama.

Basha nuk ka kursyer aspak me akuzat, teksa tha se nuk do të bënte më kompromise sa i përket koalicioneve me partitë politike. Ai shtoi se nuk do të bëheshin të njëjtat gabime si në vitet 92′, 97′ dhe 2009. Ndërsa diçka akoma më e papritur ishte momenti, kur kreu i PD, tha se ky trekëndësh i kishte ditët e numëruara, duke aluduar se Meta, Berisha dhe Rama bashkëpunonin.

Lulzim Basha:

Zonja kryetare, ka diçka themelisht gabim, kur vjen këtu me një citim që e ke mësuar përmendsh, je bërë shumë i lexueshëm, me një fjali e kuptojnë të gjithë. Thuaj që të ka marrë malli për Sali Berishën dhe Ilir Metën, bëni trekëndëshin e Bermudës, dhe qani hallet bashkë.

Unë nuk jam këtu për të qarë hallet tuaja, a do ta plotësojnë ty demokratët dëshirën për të na kthyer pas? Jo sepse të kam mundur në 2011-tën.

Faktet i ke në xhepat e shqiptarëve. Peshkatari je ti dhe mos u kap kot pas trekëndëshit të Bermudës ka marrë fund dhe misioni im dhe partisë më të bukur është që mos përsëritim gabimet e 92’ as 97’ as 2009 dhe mos bëjmë asnjë kompromis për asnjë parti qoftë kjo për zgjedhjen e presidentit apo zgjedhjen e një koalicioni. Mos u kap kot pas trekëndëshit të Bermudës. Misioni im është të mos bëjmë kompromis për të keqen. Qoftë për të zgjedhur një president, krijimin e një koalicioni, apo dhënies së besimit për një njeri që nuk duhet të ishte në politikë. E kam edhe unë pjesën time të fajit aty tek trekëndëshi i Bermudës

Mos ta fillojmë nga plaku por ta fillojmë nga i riu, e nis unë i pari, dhe më pas ta bëjnë të gjithë politikanët. Trekëndëshi i Bermudës i ka ditët e numëruara. E ke shumë të thjeshtë, voto Vetingun në politikë, lëri demokratët se i kanë idetë e qarta.